Sempa pinang
From IbanWiki, an Iban Encyclopedia
English: Cicada
Malay: Riang-riang
Nama bukai: indu keruk, indu tampuk pinang
Sempa Pinang (Cicadoidea) tu sebansa indu utai ti ulih terebai serta ulih memunyi enggau nyarih.
Sempa pinang suah dipeda maya malam hari laban indu utai tu rindu nutu lampu tauka api. Sempa pinang bisi dua chura iya nya chura gadung enggau choklat tuai.
Sempa pinang mega tau ditunu, diguring tauka dipanduk ngena jalai bukai lalu digagaka lauk sereta diempa enggau asi.
Pejalai pengidup
Indu sempa pinang betelu ba kulit kayu ti merekah. Sepengudah netas, sempa pinang tu agi nyadi ulat lalu labuh sereta diau dalam tanah. Lebuh ke nyadi ulat, iya semina makai urat utai tumbuh.
Ari ulat nyadi engkeluruk (nymph).Udah nya baru iya mali diri nyadi sempa pinang.
Lebuh agi biak, sempa pinang bechura gadung, lalu iya betukar nyadi chura choklat enti udah chukup penuai.
Sempa pinang idup dalam kandang empat ngagai lima taun lalu iya idup lama agi nyadi ulat ari ke nyadi sempa pinang.
Juluk
| Lambar tu agi bedau engkeman lalu agi begunaka penerang ti bisi reference nyemetak. Bantu kami ngerembaika lambar tu ngena jalai nambah info ti tegap. Sebarang penerang ti enda tegap lalu agi ulih dipejuraika enda tau diengkah ditu. Kita tau bejuraika penerangnya ba discussion. (Dec 2008) |
