Pangka (main asal)

From IbanWiki, an Iban Encyclopedia

English: -
Malay: Gasing

Pangka (Pangka') tu siti ari main asal kitai Iban ari kelia menya. Main pangka tauka bepangka tu suah dikereja maya nebas tauka maya padi ngandung. Enti maya nebas, iya ngayuka babas ke ditebas nya mudah rebah. Enti maya padi ngandung , iya ngayuka kitai nya mangka kandung padi lalu ngasuh buah iya jampat pansut.

Pangka suah digaga ari kayu ke kering, liat sereta berat baka menggeris, kempas, bait, sanjan enggau tapang

Bansa Pangka

1. Pangka Layak
2. PangkaKulat Muyung
3. Pangka Gunjau
4. Pangka Labu

Bepangka

1. Orang ke bepangka dibagi ngagai dua raban. Seraban nya 'ngenan' lalu seraban agi mangka.
2. Raban ke 'ngenan' tadi ngasingka pangka sida ba 'menalan ngenan'.
3. Raban ke mangka lalu mangka ari adan mangka/garis ke udah ditetapka. Penyauh adan mangka ti keterubah nya kira dua depa setengah ngagai tiga depa.
4. Enti nyema pangka orang ke mangka nya kena lalu 'naga' dia pangka nya lalu disiduk. Udah disiduk iya dibai ngagai palan ke endur 'besemetah'
5. Adan ke endur mangka nya dibagi ngagai takah lalu ke pemadu semak nya dikumbai adan jinak. Iya ditangkanka adan siga, adan janau, adan ringka enggau ke bukai.
6. Lebuh maya ke besemetah semua pangka ke agi begasing dibai pulai ngagai endur besemetah. Ditu pangka nya ditejuka begasing ba ruman padi tauka daun lalang.
7. Pangka ke dudi padam begasing nya ke menang.

Lambar tu agi bedau engkeman lalu agi begunaka penerang ti bisi reference nyemetak. Bantu kami ngerembaika lambar tu ngena jalai nambah info ti tegap. Sebarang penerang ti enda tegap lalu agi ulih dipejuraika enda tau diengkah ditu. Kita tau bejuraika penerangnya ba discussion. (Dec 2008)