Mayau

From IbanWiki, an Iban Encyclopedia

English: Cat
Malay: Mayau

Mayau (Felis silvestris catus)

Mayau, ti dikumbai sechara saintifik Felis silvestris-catus dipasukka dalam raban carnivore. Mayau suah agi dikategorika ngagai jelu ke jinak sereta diinang tang taja pia iya mega tau nyengkaum jelu siga baka singa, rimau, engkulau enggau ke bukai.

Mayau udah diau begulai enggau mensia enda kurang ari 3,500 taun ti udah. Maya nya suba orang Mesir ngena mayau dikena muru tikus enggau jelu bukai ke suah ngachau utai tanam sida. Naka ke diatu mayau nya jelu ke pengabis dikerinduka mensia. Bansa mayau ti udah direkod mayau chuli baka mayau bansa persia, siam enggau sphinx. Mayau bansa tu ditupi sereta beranak ba palan ke di sediaka. Penyampau mayau bansa tu semina 1% ari pemayuh bansa mayau bukai di dunya. Bansa mayau ke bukai nya mayau ke ari purih ke bechampur baka mayau siga enggau mayau menua.

Sempama Jaku

1. Baka mayau enggau ukui.

2. Baka mayau nengkadah linau.

3. Baka mayau ngelamun tai diri.

4. Chit bekutu mayau betebu.

5. Mayau nemu makai ikan, taja enda nemu nginti enggau nyala.

Lambar tu agi bedau engkeman lalu agi begunaka penerang ti bisi reference nyemetak. Bantu kami ngerembaika lambar tu ngena jalai nambah info ti tegap. Sebarang penerang ti enda tegap lalu agi ulih dipejuraika enda tau diengkah ditu. Kita tau bejuraika penerangnya ba discussion. (Dec 2008)