Bubuk (undang)

From IbanWiki, an Iban Encyclopedia

English: Krill, crill
Malay: Udang geragau, Udang kepal

Bubuk tu sebansa ari undang ti pemadu alus. Pemanjai enda ngelui 5mm. Taja pen bubuk tu mit, ia ukai anak undang (prawn) ti besai. Bubuk bechura mirah (reddish-translucent) lalu nitihka orang ti bepenemu, pemirah bubuk mandangka pemanah kualiti ia.

Pengidup

Bubuk idup ba ai tasik ti masin di serata dunya nyengkaum tasik Antartika. Taja pia, enda semua tebing tasik (shore) bisi alai bubuk singgah. Ba Sarawak, bubuk bisi singgah ba tebing tasik Miri enggau Bintulu^[1]. Bubuk nyemerai beraban mayuh. Bala penyelam (diver) ngangauka raban bubuk tu red cloud.

Mayuh utai idup ba tasik beridup ngena bubuk laban ia semina ba lumur 2 baruh dalam Food Chain Pyramid. Bubuk makai plankton, lalu utai bukai baka ikan, ketam, ikan paus, singa laut, anjing laut enggau sekeda bansa [burung] makai ia.

Bubuk ulih idup dalam 6 bulan ngagai 7 taun nitihka bansa ia. Bubuk ti diau ba tropica^[2][3] tauka mid latitude (nyengkaum Malaysia, Indonesia, Philippines) baka Nyctiphanes simplex semina ulih idup dalam kandang 6 ngagai 8 bulan aja.

Musim

Bubuk enda ngayanka diri sepemanjai taun lalu musim ia ngayanka diri ba tebing tasik enda nitihka bulan (month). Suah agi, bubuk ngayanka diri lebuh maya kemarau panjai.

Enti hari bisi ujan, bubuk deka lari ngagai ai ti dalam agi.

Penemu ba sitak tu bedau engkeman. Dipinta sapa-sapa ke bisi nemu tau nyaup nyeruri tauka madahka kami.

Ngiga

Jalai ngiga bubuk tu enda tusah. Bubuk dikauk ba tebing tasik ngena paka, sebansa jarin ubung ti alus. Kitai ditu suah agi mubuk, tauka maka bubuk ba tebing tasik ti umbas ya penalam kira-kira naka dada. Raban bubuk ti benung nyemerai, dikauk ngena paka lalu dibai ke pantai. Udah nya, bubuk deka dipilih laban suah agi raban bubuk tu bisi bechampur enggau empunuk, anak semuan, anak ikan enggau reba.

Bubuk ti udah dipilih tau diproses tauka dijual. Dalam bulan March 2009, rega bubuk di Miri ia nya RM7 sekilo^[4]

Guna

Suah agi, bubuk digagaka belachan enggau cencaluk. Bisi mega sekeda orang ngaga bubuk rangkai.

Minyak bubuk (krill oil)] ngundan minyak Omega-3 ti manahka pengerai.

Kerubung bubuk ngundan floride] ti tinggi. Nya alai, bubuk tau ngasuh kitai cirit engau pedis perut enti dipakai kelalu mayuh.

Musim bubuk

Bubuk batu satu

Bubuk baru

Bubuk

Baru pulai mubuk

Tuchur bubuk

Ekonomi

Sepemanjai musim bubuk, mayuh bala kitai ngambi ulih bejualka bubuk, ngaga belachan sereta cincaluk. Belachan ti manah digaga ari Miri enggau Bintulu. Naka ke diatu, rega belachan ia nya RM40.00 sekilo^[5]

Nota

1. Enda engkeman, tau ditambah
2. R. Gurney (1942). "Larvae of decapod crustacea". Royal Society Publications 129.
3. J. Mauchline & L. R. Fisher (1969). "The biology of euphausiids". Advances in Marine Biology 7.
4. Rega berubah nitihka peminta (demand and supply)
5. ^Rega maya 10 March 2010, tamu Emart, Miri

Penyanding penemu

1. http://en.wikipedia.org/wiki/Krill
2. http://ms.wikipedia.org/wiki/Udang_geragau

Lambar tu agi bedau engkeman lalu agi begunaka penerang ti bisi reference nyemetak. Bantu kami ngerembaika lambar tu ngena jalai nambah info ti tegap. Sebarang penerang ti enda tegap lalu agi ulih dipejuraika enda tau diengkah ditu. Kita tau bejuraika penerangnya ba discussion. (Dec 2008)